1. Hata Umpasa PBMNBB

Kumpulan Umpasa dalam Budaya Adat Batak Toba

Oppuraja dijolo martukkotton Sialagundi

Napinungka ni oppunaporjolo siuhutonon ni nadipudi

Dijolo raja sieahan, dipudi raja sipaimaon

(Hormatan do natua-tua dohot angka raja).

Sada silompa gadong, dua sitiop puli,

Sada pe hami na mandok hata, Naung sude ma hami taruli.

Pitu batu martindi sada do sitaon nadokdok

(Unang maharaphu tu dongan).

Jujur do mula ni bada, bolus do mula ni dame

(Unang sai jujur-jujuri salani dongan, alai bolushon ma).

Siboru buas siboru Bakkara, molo dung puas sae soada mara

(Dame ma).

Sungkunon poda natua-tua, sungkunon gogo naumposo

(Bertanggung-jawab).

Manatap tujolo manaili tupudi.

Hinarat jari-jari mangampir botohon, (sada sibaen jea, gabe saoppu hona)

UMPASA NI NAPOSO BULUNG.

(Buat orang-orang muda)

Jolo tiniktik sanggar laho bahenon huru-huruan,

Jolo sinukkun marga asa binoto partuturan.

Tudia ma luluon da goreng-goreng bahen soban,

Tudia ma luluon da boru hombing bahen dongan.

Tudia ma luluon da dakka-dakka bahen soban,

Tudia ma luluon da boru Sinaga bahen dongan.

Manuk ni pealangge hotek-hotek laho marpira

Sirang na mar ale-ale, lobianan matean ina.

Silaklak ni dandorung tu dakka ni sila-sila,

Ndang iba jumonok-jonok tu naso oroan niba.

Metmet dope sikkoru da nungga dihandang-handangi,

Metmet dope si boru da nungga ditandang-tandangi.

Torop do bittang di langit, si gara ni api sada do

Torop do si boru nauli, tinodo ni rohakku holoan ho do

Rabba na poso, ndang piga tubuan lata

Hami na poso, ndang piga na umboto hata

UMPASA HUHUASI SIPANGANON

Bagot na marhalto ni agatan di robean
Horas ma hamu na manganton
Tu ganda na antong dihami na mangalean.

Sititi ma sihompa golang-golang pangarahutna
Otik so sadia sipanganon na hupatupa hami
Ba sai godang ma pinasuna.

Bulung ni dapdap langkop
Ba i na adong i ma ta parhajop

Otik sibutong-butong godang si pirni tondi
Otik sosadia sipanganon on asa
Pamurnas ma tu daging saudara tu bohi
Palomak imbulu paniang holi-holi

UMPASA MANJALO TINTIN MARANGKUP.

(Untuk pasangan saat tukar cincin)

Bulung namartampuk, bulung ni simarlasuna,

Nunga hujalo hami tintin marangkup,

Dohonon ma hata pasu-pasuna.

Hot pe jabu i, tong doi margulang-gulang

Sian dia pe mangalap boru bere i, tong doi boru ni Tulang.

Sai tong doi lubang nangpe dihukkupi rere,

Sai tong doi boru ni Tulang, manang boru ni ise pei dialap bere.

Amak do rere, dakka do dupang,

Anak do bere, Amang do Tulang.

Asing do huta Hullang, asing muse do huta Gunung Tua,

Asing do molo tulang, asing muse do molo gabe dung simatua.

UMPASA TU NA BARU MARBAGAS.

(Untuk pasangan yang baru menikah)

Dakka ni arirang, peak di tonga onan,

Badan muna naso jadi sirang, tondi mu marsigomgoman.

Giring-giring ma tu gosta-gosta, tu boras ni sikkoru,

Sai tibu ma hamu mangiring-iring, huhut mangompa-ompa anak dohot boru.

Rimbur ni Pakkat tu rimbur ni Hotang,

Sai tudia pe hamu mangalakka, sai tusima hamu dapot pansamotan.

Dekke ni sale-sale, dengke ni Simamora,

Tamba ni nagabe, sai tibu ma hamu mamora.

Sahat-sahat ni solu, sahat ma tu labuan,

Sahat ma hamu leleng mangolu, jala sai di dongani Tuhan.

Sahat solu, sahat di parbinsar ni ari,

Leleng ma hamu mangolu jala di iring-iring Tuhan ganup ari.

Mangula ma pangula, dipasae duhut-duhut

Molo burju marhula-hula, dipadao mara marsundut-sundut.

Ruma ijuk tu ruma gorga,

Sai tubu ma anakmuna na bisuk dohot borumuna na lambok marroha.

Anian ma pagabe tumundalhon sitodoan,

Arimu ma gabe molo marsipaolo-oloan.

Gadu-gadu ni Silindung, tu gadu-gadu ni Sipoholon,

Sai tubu ma anakmuna 17 dohot borumuna 16.

Andor hadukka ma patogu-togu lombu,

Sai pempeng saurmatua ma hamu sahat tu na patogu-togu pahoppu.

UMPASA MANGAMPU

Bulung ni Taen tu bulung ni Tulan

Ba molo tarbahen, sai topot hamu hami sahali sabulan,

Molo so boi bulung ni tulan, pinomat bulung ni salaon,

Ba molo so boi sahali sabulan, pinomat sahali sataon.

Ni durung si Tuma laos dapot Pora-pora.

Molo mamasu-masu hula-hula mangido sian Tuhan,

Napogos hian iba, boi do gabe mamora.

Songgop si Ruba-ruba tu dakka ni Hapadan,

Angka pasu-pasu na ni lehon muna,

Sai dijangkon tondi ma dohot badan.

Mardakka Jabi-jabi, marbulung ia si Tulan

Angka pasu-pasu na pinasahat muna,

Sai sude mai dipasaut Tuhan.

Naung sampulu sada, jumadi sampulu tolu,

Angka pasu-pasu pinasahat muna,

Sai anggiatma padenggan ngolu-ngolu.

Naung sapulu pitu, jumadi sapulu ualu,

Angka pasu-pasu pinasat muna hula-hula nami,

Diampu hami ma di tonga jabu.

Turtu ninna anduhur, tio ninna lote,

Angka pasu-pasu pinasahat muna,

Sai unang ma muba, unang mose.

Habang pidong sibigo, paihut-ihut bulan,

Saluhut angka na tapangido, sai tibu ma dipasaut Tuhan.

Obuk do jambulan, nidandan ni boru Samara

Pasu-pasu na mardongan tangiang sian hula-hula,

Mambahen marsundut-sundut soada mara.

Tinapu bulung nisabi, baen lompan ni pangula

Sahat ma pasu-pasu na nilehon muna i tu hami,

Sai horas ma nang hamu hula-hula.

Suman tu aek natio do hamu, riong-riong di pinggan pasu,

Hula-hula nabasa do hamu, na girgir mamasu-masu.

AKKA UMPASA NA ASING

Martahuak ma manuk di bungkulan ni ruma,

Horas ma hula-hulana,songoni nang akka boruna.

Simbora ma pulguk, pulguk di lage-lage,

Sai mora ma hita luhut, huhut horas jala gabe.

Sinuan bulu sibahen na las,

Tabahen uhum mambahen na horas.

Eme ni Simbolon parasaran ni si borok,

Sai horas-horas ma hita on laos Debata ma na marorot.

 Pinasa ni sigalminton godang rambu-rambuna,

Tung otik pe hatakki, sai godang ma pinasuna.

Tuat si puti, nakkok sideak,

Ia i na ummuli, ima ta pareak.

Aek godang tu aek laut,

Dos ni roha sibaen na saut.

Napuran tano-tano rangging marsiranggongan,

Badan ta i padao-dao, tondita i marsigomgoman.

Marmutik tabu-tabu mandompakhon mataniari,

Sai hot ma di hamu akka pasu-pasu, laho marhajophon akka na sinari.

Bona ni pinasa, hasakkotan ni jomuran,

Tung aha pe dijama hamu, sai tong ma di pasu-pasu Tuhan.

Mandurung di aek Sihoru-horu, manjala di aek Sigura-gura,

Udur ma hamu jala leleng mangolu, hipas matua sonang sora mahua.

Tinallik bulung sihupi, pinarsaong bulung sihala

Unang sumolsol dipudi, sipasingot nasoada

Diruma ma pongki, bahul-bahul pansalongan. Pirma tondi, lujuluja ma ro pancamotan

Umpasa ni Halak Batak

Manat unang tartuktuk, dadap unang tarrobung

Artinya: Sebelum melakukan sesuatu lebih baik di teliti dulu situasi apa yang mau dilakukan

Jolo nidodo asa hinonong

Artinya: Sebelum melakukan sesuatu lebih baik di teliti dulu situasi apa yang mau dilakukan

Jolo tinaha garung niba, niantan sulangat niba

Artinya: Sebelum melakukan sesuatu lebih baik kalau kita menyadari kemampuan diri sendiri.

Aek godang tu aek laut, dos ni roha sibahen na saut

Artinya: Musyawarah untuk mufakat

Balintang ma pagabe tumandangkon sitandoan

Arinta ma gabe molo marsipaolo-oloan

Artinya: Kita akan mendapatkan keberhasilan jika seia sekata

Amporik marlipik, onggang marhabang,

Gabe parboli na otik laos gabe do parboli na godang

Artinya: sedikit cukup, banyak habis juga

Namandanggurhon tu dolok do molo basa namarhula-hula

Artinya: (hormat tu Hula2 gabe dalan ni pasu-pasu)

Janji urat ni eme tu laklak ni simarlasuna, Adat na denggan na so ra sega, uhum na uli na so ra muba i, asa manumpak ma Tuhanta i sinur ma pinahan gabe na niula jala horas jolma.

Martumbur ma baringin, mardangka ma hariara, matorop ma hamu maribur, matangkang ma juara.

Sai marrongkap mai songon bagot, marsibar songon ambalang, jala sai masigomgoman ma tondi ni nasida tu na tama.

Dangka ni hariara torop ma pinangait-ngaithon, tubuma dihamu anak dohot boru torop, sitokka  ma panahit-nahithon.

Balintang ma pagabe tumandakhon sitadoan, saut do hamu gabe asal ma tontong masipaolo-oloan.

Dangir-dangir ni batu ma hamu, pandakdahan ni simbora, Gabe do hamu jala saurmatua asal ma  marsada ni roha

Ai na tinapu salaon, salaon situa-tua, Denggan ma hamu masianju-anjuan asa saut gabe jala saurmatua.

Sai situbu laklak ma hamu situbu singkoru di dolok ni purbatua, sai tubuan anak ma hamu tubuan boru, donganmuna saurmatua.

Hariara na bolon bahen parlape-lapean, Sai tubu ma di hamu anak dohot boru na bolas pangunsandean.

Sahat-sahat ni soluma sahat tu bontean, Sahat ma hamu tu parhorasan, sahat tu nagabean.

Tuat ma na dolok martungkot sialagundi, adat ni ompunta sijolo-jolo tubu siihuttonon ni na di pudi.

Muba dolok muba duhutna, muba luatna muba adatna.

Sidapot Solup do naro.

Eme na masak di gagat ursa , ia i namasa ima di ula.

Sori manungkun sori mandapot, sai matua marpanungkun tu na nidapot.

Tangan do botohon, ujungna jari-jari, Bangko nihata si dohonon, asal ma jumolo marsatabi.

Ramba na poso na so tubuan lata, halak na poso na so umboto hata.

Tampuk ni sibaganding di dolok ni pangiringan, horas ma hamu na marhaha maranggi, sai masipairing-iringan.

Bola-bola ni tangan, sitongka i bolahononhon, bola-bola ni halak, sitongka i tangihononhon.

Tinallik randorung bontar gotana, Dos do anak dohot boru nang pe pulik margana, ai dompak marmeme anak, dompak do tong marmeme boru, andung ni anak sabulan di dalan, andung ni boru sataon.

Habang leang-leang songgop tu parapian, Bolak ni rosu angka na marpariban, sai masitopot-topotan songon pidong leang-leang.

Na niida ni mata paula so niida, na binege ni pinggol paula so ni bege.

UMPASA MANGAPULI

Bagot na mandung-dung tu pilo-pilo marajar, Tading ma antong na lungun, sai roma na jagar.

Hotang binebe-bebe, hotang dipulos-pulos

Unang hamu mandele, godang do tudos-tudos

Dolok ni Simalungun, tu dolok ni Simamora

Salpu ma sian hamu na lungun, sai hatop ma ro si las ni roha.

Hariara madungdung, pilo-pilo na marajar,

Sai tading ma na lungun, ro ma na jagar.