Turi-turian ni Nababan

 logo1.jpg

Turi-turian ni Marga Nababan

Adong ma sada raja marga Nababan, najolo adong anak tolu halak, disada tingki ro ma natua-tua na manuru anak na natolui asa laho tu tombak laho mangalap mas na tinaruan ni habonaran di boni hau nabalga, jala ikkon mamolus sada rura nabagas do nasida, huhut malolus tombak longo-longo asa sahat tu inganan ni akka mas i, jala disuru natua-tuai ma nasida mamboan sabatang be hau anak ganjangna 7 meter, jala maksudni natua-tuai asa adong hitena nasida laho taripar tu barina ni rurai, alai dang diboto nasida aha maksud ni natua-tuai, laho ma hamu tu tombak an alana adong ma annon jumpang mu disi akka arta naung rade disi ninna rajai ima tu anakna natolui, jala boan hamu hau siala gundi on ganjangna 7 meter jala ido parhiteamu laho mangalap arta na argai ninna natua-tua i tu anakna natolui, olo bapa ninna nasida ala dang boi aloon nasida rajai, borhat ma nasida masiboan balanjona dohot hau anak i, jala nunga tungloja nasida mangalanja balanjonai dohot hau anak i, loja nai hita di suru bapa ate ninna siampudani, olo anggi ninna sipaiduai, jala ninna ma tusi ampudan ni, ta oruima hauon manganjang hu boanonta ninna si paidua ma tu siampudan, olo abang boratan hita tutu ninna si ampudani, ditongan dalan dipotong nasida ma sameter, anggo siangkangani dang olo mamonggol alana diingot hata (poda) ni natua-tuai, jala olo do ibana boratan mamboan, dungi muse maborathu dope ninna si paiduai, ta oruima muse ninna, gabe diouri muse sameter nai, gabe tinggal ma 5 meter, tong dope borat ninna, di orui ma muse dua meternai gabe tinggalma 3 meter, gabe neangma diboan nasida nadua, hape ia siangkangan ni tong do dihalojahon mamboan hau anak i ganjangna 7 meter, jala tung mansai hir hodokna mamboan hau anak i alana nunga di pesanhon natua-tuai on boanon ninna rohana, ro ma anggina naduai, potong ma abang dang boratan ho akkang ? ninna angginai nadua nari, huhalojahon pe ninna si angkangani mangalusi, naloahon do abang taon ninna nasida marhusip, olo loja ibana ninna nasida nadua, nunga lam jonokbe rura nabagasi tung mansai rahis do rurai, jala aek marngongos di toru, jala batu do bariba tu bariba, anggina naduai dipudima nanget-nanget mardalan, anggo siangkangani nunga dijolo be ibana jala nunga loja, sahat ma siangkangani di jolo ni rurai di surdukkon ma hau anak i pas tu bariba, marhite-hite hau anak i ma ibana tolhas tu bariba, ditarik ma muse hitenai jala diboan ibana asa adong muse hite laho mulak, dijalahi ma dompak habinsaran sesuai pesan ni rajai gabe diidama sada inganan na marhillong-hillong di pajonok ma tu inganani, jala martonggo ma ibana laho mandapothon inagani gabe diidama dijolona mas pungu sainganan jala godang,  gabe dapot ni ibana ma songon natinonahon ni natua-tuai, jala dibuat ibana akka mas na di bonanihaui, dung dibuat ibana martonggo ma muse ibana asa laho mulak, alai angginai nadua nari dang dapotan be ala sotuk be hau anak i bahen hitena, nangpe disambung nasida nabinoannai dang tuk alana holan 6 meter na ma ganjangna nangpe disambung nasida, gabe manolsolima nasida nadua ai so tolhas be nasida nadua tu bariba rap dohot akkangnai, jala dang dioloi nasida poda ni natua-tuai, ai sopersea nasida di tona i, ia siangkangan i namangoli tona dohot poda do ibana, jala olo ibana loja laho manuhuk hau naganjang i jala hir hodokna mamboan manang boratan do ibana laho manuhuk hau i, mulak balgingma anggina nadua i dang dapotan  mas be nasida, jala gabe manolsoli ma nasida, dung diboto dapotan arta na arga akkangnai, holoan alaniho mai abang ninna siampudanima tu angkangna si nomor dua, gabe tubuma hansitnirohana tu abang na nomor duai, jala anak siangkangan i namangoli poda ni amanai gabe mamorama ibana, horas jala gabe ibana namangoli poda ni rajai, alai nadua nari naso olo dipoda gabe hurang ma diarta dohot diakka naasing sahat tusadarion, turi-turian on holan berupa illustrasi do on di bahen penulis asa adong nagabe sada tudos-tudosan tu hita akka naumposo, jala unang lupa hita diakka poda ni ompunta naparjolo, alana akka nadenggan do i sude makorhon lasniroha tujoloan ni ari…….bersambung…… horas…….

jepang4rn.jpg

Gambar : R. Nababan, AMd di Hiroshima ketika membangun stadion utama  ASIAN GAMES HIRHOSHIMA 1994. Jepang tahun 1992.

  • Oppu raja di jolo, martungkothon sialagundi
  • Napinungka ni omputta naparjolo, tapaihut-ihut sianpudi.

Behado Pandokni Debata taringot tupatik nasampului ? ondo : Ahu do Jahowa Debatam ninna Debatanta, pargogo nasohatudosan jala parrimas, siluluhon dosa ni ama-ama tu pinomparna, rodisundut patoluhon, rodisundut paopathon, pinomparni akka nasogo roha di ahu, alai asi do rohangku diakka namar-ribu ribu akka namarholong niroha di Ahu naso mangalaosi patikki, amen

  • Penulis : R Nababan, AMd
  • HP : 081362199902, Flexi : 06337005261
  • e-mail:tuannahoda@yahoo.co.id
  • e-mail:ramlannababan@yahoo.com
  • e-mail:tatausaha_smk1sipoholon@yahoo.co.id
  • e-mail:smk1sipoholon@yahoo.co.id
  • Alamat : Dusun Paranjoan, Desa Lumbantongatonga, Siborongborong, Kabupaten Tapanuli Utara, Propinsi Tapanuli.

 

9 pemikiran pada “Turi-turian ni Nababan

  1. M Hutauruk, SPd

    Horas! mauliatema di hamu saluhutna marga Nababan, alana dibahenn hamu situs ni Nababan jala sian Bona Pasogit, didia akka nababan naasing ? mauliate di penggagas situs amang R Nababan, semoga sukses.

    Suka

  2. Annevolol Panggabean, SPd

    Horas ma tutu! alana adong situs ni Nababan on, mauliatema di amang! sai tumajuna hamu amang mengelola situs ni Nababan, mauliate.

    Suka

Berikan Saran dan Informasi anda di Situs Nababan ini ....terimakasih

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s