Gambar Rumah Batak Nababan

Sunggul-sunggul Partangiangan Borsak Mangatasi Nababan

Syalom, tabe mardongan tangiang, tuhamu haha/anggi, pinaribot na di Bonapasogit dohot nadi parserahani, asa rap mambahen partangiangan hita diganup ingananta be ima : PARTANGIANGAN BORSAK MANGATASI NABABAN TANGGAL 13 OKTOBER 2008 on, jala taingot mandok mauliate tu Tuhanta pardenggan basai, siala dilehon dope dihita hahipason, ganjang ni umur, tiur ni akka pancarian, lumobima di pasu-pasu nang habisuhon nasian Tuhanta naung tajalo, sai masi tangiangan ma hita diganup ingananta be asa jumpang nanijalahan dapot naniluluan, imbur mangodang akka namemet, tupistarna akka namarsikkola, dapotan karejo nasodapot karejo, dapotan rokkap naso dapotan rokkap dope, tubuan anak nabisuk akka nasotubuan anak, akka anak sipatujoloon sipaimaon dipudi sipareahan tujolo, tubuan boru akka nasotubuan boru, tiur akka pancarian, pempeng saur matua akka namatua, horas jolma, sinur napinahan, gabe naniula, horas pardalan-dalan mangomo partigatiga, horas jolma, lam maju negaratta, asa dapot songon nanidok ni natua-tua : masitukkoltukkolan songan suhat dirobean, masiamin-aminan songon lampak nigaol, rap manimbung tutoru, rap mangangkat tuginjang, asa sauduran tudolok sauduran tutoruan, asa sada songon daion aek, unang mardua songon daion tuak. Jala unang adong be ginjang niroha dihita, Horas nadibona pasogit horas nadiparserahan jala horas ma dihita saluhutna Pomparan ni Oppui Borsak Mangatasi Nababan, anak, boru, bere/ibebere, Mauliatema. Napuran tano-tano, ranggingmasiranggoman, badanta padao-dao, tondittama masigomgoman. Horas! pesan dari Pemred Situs Nababan Bonapasogit.

Gambar R Nababan, AMd.Kom Pemred Situs Nababan

Tuhan Memberkati…amin!